ولم که
په‌ریشانم په‌ریشانم ولم که
دوچار ده‌رد پنهانم ولم که
وه‌ده‌ردم اشنا که‌ردی نه‌کردی
سته‌مگه‌ر فکر ده‌رمانم ولم که
ولم که‌تا نه‌وی که‌س په‌ی وه‌ده‌ردم
دو سه‌رو‍‍ژی که‌مهمانم ولم که
ولم که‌ی یا نه‌که‌ی ره حمی وه‌حالم
ته‌نم گردیده‌زندانم ولم که
نه‌کرد که‌س ده عوتم خوه م بیمه مهمان
وه‌کار خوه م په‌شیمانم ولم که
حه‌مامه‌ئی سه‌رای سه‌رد و گه‌رمه
بساو کیسه‌ی وه‌ناو شانم ولم که
نه‌ساخت من وه‌فولاده‌نه‌وه‌سه‌نگ
هه‌ف هه‌شت ده‌تیکه‌سوقانم ولم که
ته‌نم زانم نه‌سیب مور و ماره
نه‌مورم نه‌سولیمانم ولم که
وه‌کام که‌س نیه‌گردد چه‌رخ تا سه‌ر
نه‌درویشم نه‌سولتانم ولم که
خه‌رابم که‌رد خه‌رابات خه‌یالت
وه‌دس چود عه‌قل و ئیمانم ولم که
وه‌باده‌ی ته‌لخ جام زنده‌گانی
ده‌می مه‌ست و غه‌زل خانم ولم که
وه‌سه‌حرای خه یال چون قه‌یس سانی
تو کردی وه یل و وه یلانم ولم که
گوزه شت فه‌سل به‌هار و موسم باخ
وه‌فکر له‌رز زمستانم ولم که
له‌وه‌ترسم بکیشد کار وه‌هاوار
نه‌که‌ی که‌س گوش وه‌ئه فغانم ولم که
ولم که‌ید یا نه‌کید ره‌حمی وه‌حالم
ته‌نم کردی وه‌زندانم ولم که
وه‌ئه‌رواح شه‌رف سوگند که‌دایم
مه‌لول مه‌رگ وجدانم ولم که
شه‌رف کوشیاد و وجدان جوانمرگبی
وه‌بی وجدانی حه‌یرانم ولم که
وه‌کام دوشمه‌ن بووه‌م ئی دوس شکایت
که‌دوس بی قاتل گیانم ولم که
ولم که‌ول که‌رت نیم سوب له‌مه‌حشر
تو کردی خار دورانم ولم که
تو که‌ردی بی سه‌رو سامان( شامی)
وه‌مه ولا خوم قه‌شنگ زانم ولم که
